Përgatitja juaj para dhe pas ndërhyrjes.
Udhëzime praktike që ju ndihmojnë të kuptoni çfarë të prisni.
Çfarë duhet të dini.
Udhëzimet e mëposhtme bazohen në fletën informuese zyrtare të spitalit.
Agjërimi para operacionit
Mos konsumoni ushqim apo pije 6-8 orë para operacionit, përfshirë ujë, çamçakëz, karamele, kafe apo cigare (përveç rasteve kur mjeku ju ka dhënë udhëzime të tjera).
Medikamentet
- Informoni mjekun për çdo medikament që merrni rregullisht
- Nëse përdorni hollues gjaku (aspirinë, clopidogrel, warfarin, heparinë, rivaroxaban, apixaban etj.) ose barna të tjera, diskutoni paraprakisht me mjekun - mund të nevojitet ndërprerja ose modifikimi i tyre
- Mos ndërprisni asnjë medikament pa konsultën e mjekut
Higjiena personale
- Kryeni dush një natë përpara ose në mëngjesin e operacionit
- Mos aplikoni kremra, vajra trupi, makeup, parfum apo deodorant në ditën e operacionit
Bizhuteri, veshje & sende personale
- Hiqni të gjitha bizhuteritë, piercing-et, orët dhe sendet me vlerë para paraqitjes në spital - spitali nuk mban përgjegjësi për humbjen e sendeve personale me vlerë
- Vishuni me rroba të rehatshme dhe të lirshme
- Shmangni thonjtë artificialë dhe manikyrin (sidomos ngjyrat e errëta), sipas udhëzimit të ekipit mjekësor
Dokumentacioni - çfarë të sillni
- Dokument identifikimi
- Analizat ose ekzaminimet e kërkuara
- Listën e medikamenteve që përdorni
- Dokumentacion mjekësor relevant (nëse ka)
Në rast sëmundjeje & mbërritja
Nëse para operacionit shfaqni temperaturë, kollë, grip, infeksion, herpes apo ndryshime në gjendjen shëndetësore, njoftoni menjëherë spitalin ose mjekun.
Paraqituni në orarin e caktuar, për të kryer procedurat përgatitore para operacionit.
Politika për shoqëruesit
- Lejohet vetëm një person shoqërues
- Në zonat para dhe pas operacionit, hyrja e shoqëruesve mund të jetë e kufizuar për arsye sigurie dhe standardesh mjekësore
- Në rast anestezie të përgjithshme ose sedacioni, rekomandohet që pacienti të mos largohet vetëm dhe të ketë një person që e shoqëron pas procedurës
- Rekomandohet një person kontaktues për komunikim me ekipin mjekësor gjatë gjithë procesit
Çfarë ndodh ditën e operacionit.
Mbërritja & paraoperatori
- Recepsioni regjistron mbërritjen tuaj
- Infermieri ju shoqëron te dhoma paraoperatore
- Vlerësim final me anesteziologun
- Përgatitja e fundit (veshje sterile, pozicionim)
Çfarë ndodh në sallë
- Anestezia administrohet
- Ndërhyrja kryhet sipas planit të diskutuar
- Monitorohen gjithë vital signs gjatë procedurës
Pas-operatori i menjëhershëm
- Zgjoheni në dhomën e rikuperimit
- Monitorim i parë për 1-2 orë
- Transferim te dhoma e qëndrimit
Kujdesi pas operacionit.
Kujdesi në shtëpi
- Ndiqni me rigorozitet udhëzimet e mjekut për medikamentet dhe kujdesin pas-operacionit
- Pushimi dhe shmangia e aktivitetit fizik të rëndë janë të domosdoshme për rikuperim të shpejtë
- Mbani plagën të pastër dhe të thatë
- Paraqituni në kontrollet e planifikuara pas ndërhyrjes
Telefononi menjëherë nëse keni:
- Temperaturë > 38°C
- Hemorragji të papritur
- Dhembje që nuk lehtësohet me mjekim
- Skuqje, fryrje ose nxehje rreth plagës
- Mungesë frymëmarrjeje ose dhembje gjoksi
Stafi mjekësor i disponueshëm 24/7 sipas rastit dhe llojit të ndërhyrjes.
Vizitat e kontrollit
- Kontrolli i parë: zakonisht 7 ditë pas
- Kontrolli i dytë: 30 ditë pas
- Kontrolle të mëtejshme sipas procedurës
Rikuperimi: çfarë të prisni
Pushim total, mjekim, kujdes ndaj plagës
Aktivitet i lehtë, mosngritje pesha
Kthim gradual te aktivitetet normale
Kontroll final, kthim te aktivitetet e plota
Sipas procedurës.
Lidhjet te udhëzues specifikë do shtohen.
Pas operacionit të barkut
Së shpejti →Pas operacionit estetik
Së shpejti →Pas trajtimit onkologjik
Së shpejti →Pas operacionit ortopedik
Së shpejti →Keni nevojë për ndihmë?
(24/7 sipas rastit dhe llojit të ndërhyrjes)